Friday, August 11, 2017

पालघर जिल्हा योगासन निवड चाचणी २०१७

*पालघर जिल्हा योगासन निवड चाचणी २०१७*

पालघर जिल्हा योग असोसिएशन आयोजित, *जिल्हास्तरीय योगासन निवड चाचणी २०१७*, दि. १७ - ०८ - २०१७ रोजी घेण्यात येणार आहे.

सदर योगासन स्पर्धा खालील गटात होतील -
१) ८ ते ११ वर्षे मुले व मुली
२) ११ ते १४ वर्षे मुले व मुली
३) १४ ते १७ वर्षे मुले व मुली
४) १७ ते २१ वर्षे मुले व मुली
५) २१ ते २५ वर्षे मुले व मुली
६) २५ ते ३५ वर्षे पुरुष व महिला
७) ३५ ते ६० वर्षे पुरुष व महिला

*स्पर्धेची दिनांक* :-
                 १७ आॅगस्ट २०१७

*स्पर्धेची वेळ* :-
नाव नोंदणी :- सकाळी ७:३० ते ८:३०
स्पर्धा :- सकाळी ९:०० वाजता

*स्पर्धेचे ठिकाण* :-
४ था मजला, जुने वि. वा. महाविदयालय, विरार ( प )

*प्रवेश शुल्क* :- प्रत्येकी १०० रुपये

*स्पर्धेसाठी पोशाख* :-
मुले व पुरुष :- हाफ पॅंट
मुली व महिला :- योगा काॅश्च्यूम किंवा स्लॅक्स आणि टि-शर्ट
   
*स्पर्धेसंबंधी माहिती* :-
१) प्रत्येक स्पर्धकांना त्यांच्या वयोगटाच्या योगासन अभ्यासक्रमातील लाॅटरी पद्धतीने काढलेली ५ आसने करावयाची आहेत.
२) प्रत्येक स्पर्धकाने आसनाच्या अंतिम स्थितीत ३० सेकंद स्थिर राहणे आवश्यक आहे.
३) प्रत्येक स्पर्धकाला सहभाग प्रमाणपत्र देण्यात येईल.
४) प्रथम, द्वितीय आणि तृतीय क्रमांकाच्या स्पर्धकांना प्राविण्य प्रमाणपत्र देण्यात येईल व हे स्पर्धक राज्यस्तरीय योगासन स्पर्धेत पालघर जिल्ह्याचे प्रतिनिधीत्व करतील

*प्रत्येक स्पर्धकाने, २ पासपोर्ट आकाराचे फोटो, शाळेचे ओळखपत्र / जन्म तारखेचा पुरावा, आधार कार्डची झेराॅक्स घेऊन येणे*

*अधिक माहिती साठी संपर्क*
सौ. रुचिता ठाकूर :- 9922134444
श्री. लाॅसन कोरिया :-
86987 10284

Thursday, August 10, 2017

भारतीय जवानांचा आणि त्यांच्या कुटुंबीयांचा संपूर्ण सफाळावासीयांतर्फे सन्मान

सफाळे आणि परीसरातील गावांमधील भारतीय सेना दलामध्ये सेवा दिलेल्या आणि देत असलेल्या भारतीय जवानांचा आणि त्यांच्या कुटुंबीयांचा वीरमाता अनुराधाताई गोरे यांच्या हस्ते संपूर्ण सफाळावासीयांतर्फे सन्मान होणार आहे.. या सन्मान सोहळ्यास अवश्य उपस्थित रहा..

C.H.M. शैलेश दत्ताराम ठाकूर - माकुणसार
M.TD. बजरंग विठ्ठल डिंडाळे - सफाळे
हवालदार : संजय हरीश्चंद्र लाडे - चटाळे
B.S.F. : किरण शांताराम पाटील - माकणे
C.H.M. : सुनिल नारायण सावे - वेढी
कॅप्टन : आशिष वासुदेव संखे - सफाळे
नाईक : श्री विजय रामचंद्र राऊत - सफाळे
ऑनररी कॅप्टन : श्री लक्ष्मण भिवा वर्तक - सफाळे
नायक : विशाल लक्ष्मण वर्तक - सफाळे
नायक : हर्षल अरूण पाटील - सफाळे
हवालदार : श्री सुर्यकांत शांताराम चौधरी - सफाळे
हवालदार : श्री मधुकर हरी पाटील - सफाळे
कमांडो : धिरज गोपीनाथ राऊत - उसरणी
मेजर : प्रभाकर वामन धाडीगावकर - सफाळे
हेड कॉन्स्टेबल : परशुराम वासूदेव घरत - विळंगी
भारतीय सैनिक : मिलिंद प्रभाकर पाटील - विळंगी
B.S.F.: मनोज सोमनाथ गुंड - माकणे
Late रवी जगन्नाथ साळवी - सफाळे

अभिमान बाळगा आपल्या सफाळे परीसरामधील या सर्व जवानांचा सन्मान म्हणजे आपल्या गावाचा सन्मान आहे..
या सर्व जवानांचा अंतःकरणपूर्वक सन्मान होत आहे. या सोहळ्यास अवश्य उपस्थित रहा.... !

रविवार दिनांक 13 ऑगस्ट 2017 सायंकाळी ठीक 5:00 वाजता
देवभुमी हाॅल, सफाळे पूर्व

अंतरंग सांस्कृतिक कला दर्पण प्रतिष्ठान

#अंतरंग सांस्कृतिक कला दर्पण प्रतिष्ठान, सफाळे

Tuesday, August 1, 2017

पालघर जिल्हा | १ ऑगस्ट | वर्धापनदिन

⭐पालघर जिल्हा⭐


🔮पालघर जिल्ह्याचे मुख्यशहर आहे.

🔮ठाणे शहरापासून ५२.३ किमी व महाराष्ट्राची राजधानी मुंबईपासून ७४ किमी अंतरावर आहे.

🔮सागरी-डोंगरी अन् नागरी अंग असलेल्या देशातील सर्वांत मोठ्या ठाणे जिल्ह्याचे विभाजन होऊन, त्यामधून वेगळा झाला

🔮पालघर हा राज्यातील ३६वा जिल्हा १ ऑगस्ट२०१४ रोजी अस्तित्वात आला.

🔮विभाजनानंतर अस्तित्वात आलेल्या नव्या पालघर जिल्ह्याची एकूण लोकसंख्या १४,३५,१७८

🏁तालुके
🏰पालघर
🏰जव्हार
🏰मोखाडा
🏰तलासरी
🏰वसई
🏰विक्रमगड
🏰वाडा

❇पालघर जिल्ह्यातील
जव्हार, मोखाडा आणि तलासरी हे तीन तालुके १०० टक्के
आदिवासी बहूल आहेत
 ❇तर वसई, विक्रमगड आणि वाडा तालुक्यांत आदिवासींचा लोकसंख्या संमिश्र आहे़.

❇गडचिरोली, नंदुरबार प्रमाणेच पालघर जिल्ह्याला आदिवासी जिल्ह्याचे स्वतंत्र अस्तित्व मिळणार असल्याने त्यासाठी केंद्राकडून मिळणार्‍या कोट्यवधींच्या अनुदानामुळे पालघर परिसराचा झपाट्याने विकास होण्यास मदत होणार आहे़.

🚄🚎🚎पालघर शहर रेल्वे, रस्ते आणि समुद्र मार्गाने मुंबई आणिगुजरात राज्याशी जोडलेले आहे.

🏭मुंबई शहरापासून जवळ असल्यामुळे शैक्षणिक, औद्योगिक आणि शहरी प्रगतीस खूप वाव आहे.

🚌🚌पालघर येथून महाराष्ट्रातील उर्वरित भागासाठी महाराष्ट्र राज्य परिवहन मंडळाच्या बसेस आहेत.

🚍पालघर शहराभोवती असलेल्या
केळवे, माहीम,सातपाटी,
शिरगाव, तारापूर, मनोर, बहाडोली, वाडा अशा अनेक ग्रामीण भागांत जाण्यास महाराष्ट्र राज्य परिवहन मंडळाच्या बसेस आहेत.

⌛इतिहास

🗼100 वर्षापुर्वी पालघर हे ठाणे जिल्ह्यातील माहीम तालुक्यातील एक छोटे खेडेगाव होते.

🗼इ.स. 1893 साली हल्लीची वेस्टर्न रेल्वे म्हनजे पूर्वीची बाँम्बे बरोडा अँन्ड सेंट्रल रेल्वे B.B..&,C.I पालघरहुन गेल्यामुले पालघर स्टेशन निर्माण झाले

🗼इ.स. 1990 पासून प्लेग मलेरीयाच्या साथीमुळे व रेल्वेच्या सोयीमुळे माहिम गावातील श्रीमंत लोक पालघरला स्थायिक झाल्याने गाव वाढू लागला

🗼इ.स.1918 साली शासनाने तालुका कचेरी माहीमहुन पालघर येथे आणली.

🗼1923 साली पालघर कचेरीची हल्लीची इमारत बाधली गेली.

🗼इ.स. 1920 साली व्यंकटेश अँग्लो व्हर्नाक्युलर हायस्कूल या संस्थने शाळा काढली त्याचेच रुपांतर नंतर आर्यन हायस्कूलमधे झाले.

🗼ई.स.1923- ग्रामपंचायतीची स्थापना. पण मर्यादित लोकांना मतदान अधिकार.

🗼ई.स.1930च्या आसपास मुंबईतील म्हशी व घोडेच्या तबेल्याना पालघर येथून गवताचा पूरवठा होऊ लागला व पालघरातील शेतकरी लोकाना एक नवीन फायदेशीर धंदा मिळाला.

🗼14 आँगस्ट1942 रोजी "चलेजाव" आंदोलनात काढलेल्या मोर्चावरती गोळीबार होऊन पाच तरूण मरण पावले त्याच्या स्मरनार्थ् आजचा हुतात्मा चौक बांधला आहे.

🗼 इ.स.1948 फालनीमुले सींधी समाजाचे पालघरात आगमन झाले

🗼इ.स.1952 - सर्वाना मतदानाचा अधिकार असलेली ग्रामपंचायत.

🗼इ.स.1959 पंचायत समितीची स्थापना.

🗼इ.स.1980- पासून शासनाने सवलती दिल्यामुळेे पालघरच्या आजूबाजूला इन्ड़स्ट्रीज येणे सुरु झाले ते अजून चालु आहे.पालघरची
लोकसंख्या सतत वाढत आहे.

🗼ई.स. 1990- च्या आसपास रहिवासी निवासासाठी ईमारती बांधणे  (फ्लाट्स) मोठ्या प्रमाणावरती सुरु झाले .

🗼ई.स.1998- पालघर नगरपरिषदेची स्थापना.

🗼ई.स.2013- पासुन लोकल रेल्वे सुरु होऊन पालघरचे रुपाँतर मुंबईच्या उपनगरात झाले आहे.

🗼 ई.स.1 आँगस्ट 2014 - पालघर जिल्ह्याची स्थापना.

👤मा. मुख्यमंत्री हस्ते जिल्हाधिकारी कार्यालयाचे उद्दघाटन झाले.

🌐भौगोलिक सीमा

🚄🚃मुंबईच्या पश्चिम उपनगरीय रेल्वे मार्गावर विरारस्थानकाच्या पुढे पालघर हे चौथे रेल्वे स्थानक आहे.

🎓शिक्षण

🏫पालघर शहरात शालेय शिक्षणापासून उच्च शिक्षणासहित संशोधन स्तरावरील शिक्षणाची सोय आहे.

🏭औद्योगिक वसाहत

🏬पालघर शहराजवळच एक विस्तीर्ण औद्योगिक वसाहत आहे. येथे रसायने, वस्त्रप्रावरणे, अवजड यंत्रे, औषधे इत्यादींचे काही कारखाने आहेत.

✈महत्त्वाची स्थळे

🚖केळवे समुद्र किनारा
🚖लक्ष्मी नारायण मंदिर
🚖पालघर-केळवे रस्ता
🚖शिरगावचा समुद्र किनारा
🚖शीतलादेवीचे केळवे येथील पुरातन मंदिर
🚖सातपाटी समुद्र किनारा
🚖हुतात्मा स्तंभ (पाचबत्ती)
-----------------------------------------------
 http://palgharlive.com https://fb.palgharlive

Tuesday, July 11, 2017

अमरनाथ हल्ला: मृतांत पालघरच्या दोघांचा समावेश



अमरनाथ हल्ला: मृतांत पालघरच्या दोघांचा समावेश
 
काश्मीरच्या अनंतनागमध्ये अमरनाथ यात्रेतील भाविकांच्या बसवर सोमवारीरात्री दहशतवाद्यांनी केलेल्या हल्ल्यात ७ जण ठार झाले आहेत. अनंतनागमधील बेंटेगू आणि खानबल भागात दहशतवाद्यांनी हल्ले केले. या दहशतवादी हल्ल्यात ठार झालेल्यांपैकी दोन भाविक हे महाराष्ट्रातील पालघरचे रहिवासी आहेत. जखमींमध्ये महाराष्ट्रातील ११ जणांचा समावेश असल्याचे सांगण्यात येते. या घटनेच्या निषेधार्थ विरोधकांनी आज जम्मू-काश्मीर बंदची हाक दिली आहे

अमरनाथ यात्रेवरील दहशतवादी हल्ल्यात पालघरच्या डहाणूमधील रहिवाशी निर्मलाबेन ठाकोर आणि उषा सोनकर ठार झाले आहेत. भाविकांची ही बसगुजरातच्या वलसाडमधील ओम ट्रॅव्हल्सची असून या बसच्या मालकाचा मुलगाही या हल्ल्यात जखमी झाला आहे. खबरदारीचा उपाय म्हणून जम्मू, रामबन, सांबा, कठूआ आणि उधमपूर येथे हायअॅलर्ट जारी करण्यात आला आहे. केंद्रीय गृहमंत्री राजनाथ सिंहयांनीही आज तातडीची बैठक बोलावली असून परिस्थितीचा आढावा घेणार आहे.ज्या बसवर हल्ला करण्यात आला त्या बसची नोंदणी नव्हती अशी माहिती समोर येत आहे. अमरनाथ यात्रेला जाणाऱ्या भाविकांची आणि बसची नोंदणी केली जाते. नोंदणी केलेल्या बसला सुरक्षा पुरवली जाते. त्यामुळे दहशतवाद्यांनी याच बसला लक्ष्य केल्याचे उघडकीस आले आहे.दरम्यान, पंतप्रधान नरेंद्र मोदी यांनी या हल्ल्याचा तीव्र निषेध केलाआहे. मात्र, भारत अशा भ्याड हल्यांपुढे आणि द्वेषमुलक कृत्यांपुढे कधीच झुकणार नाही, असा ठाम निर्धारही त्यांनी व्यक्त केला.
- ११ जुलै २०१७ लोकसत्ता
http://palgharlive.com

थकीत शेतसाऱ्यामुळे सरकारजमा झालेल्या जमीनी परत मिळणार


थकीत शेतसाऱ्यामुळे सरकारजमा झालेल्या जमीनी परत मिळणार
राज्यातील हजारो शेतकऱ्यांना होणार फायदा, शासनालाही मिळणार महसूल
पुणे - शेतसारा न भरल्याने सरकारजमा झालेल्या आकारीपड जमिनी मूळ मालकांना परत देण्याचा निर्णय शासनाने घेतला आहे. त्या जमिनी परत देताना त्यासाठी दंड आकारला जाणार आहे. या निर्णयाचा फायदा राज्यातील हजारो शेतकऱ्यांना होणार असून शासनाच्या तिजोरीतही सुमारे दिड हजार कोटी रुपयांची भर पडणार असल्याचा अंदाज आहे. या निर्णयामुळे शेतकऱ्यांना जमिनीची मालकी मिळणार असून त्यातून शासनालाही महसूल मिळणार आहे.
महाराष्ट्र जमीन महसूल संहिता, 1966 च्या कलम-182 मधील तरतूदी अनुसार कसूर करणाऱ्या व्यक्तींच्या जमीनी जप्त करुन जिल्हाधिकाऱ्यांच्या व्यवस्थापनाखाली घेतलेल्या जमिनी मूळ मालकांना अथवा त्यांच्या कायदेशीर वारसांना परत करण्यासाठीच्या नियमांचे प्रारुप शासनाने जाहीर केले आहे.
काही शेतजमीन मालकांनी शेतसारा न भरल्यामुळे त्यांच्या जमिनींच्या सातबारा सदरी आकारपड अशी नोंद करण्यात आली असून त्या जमिनीचा मालकी हक्क सरकारकडे आहे. मात्र या जमिनी मूळ मालकाकडेच ठेवण्यात आला. त्यामुळे जमिनीची मालकी सरकारची असली तरी वहिवाट मात्र शेतकऱ्याची आहे. सरकारने 1960 पासून अशा जमिनीवर मालकी हक्क लावला आहेत. या जमिनी 1980 पर्यंत सरकारकडून परत केल्या जात होत्या. त्यासाठी आकारीपड लागल्यानंतर दहा ते बारा वर्षात शेतसारा आणि नाममात्र दंड भरावा लागत होता. मात्र त्यांनतर या जमिनी परत करण्याचे काम थांबविण्यात आले. अशा प्रकारातील लाखो एकर जमिनी राज्यात असून शेतसारा अथवा आकार न भरल्यामुळे त्या जमिनीवर सरकारची मालकी कायम राहिली. 
दैनिक प्रभात, ११ जुलै २०१७

http://palgharlive.com

Saturday, July 8, 2017

१० कोटींची झाडे गेली कुठे?

*१० कोटींची झाडे गेली कुठे?*
🌴🌳🤔
खास प्रतिनिधी, वसई , लोकसत्ता | Updated: July 8, 2017
वसई-विरार महापालिका यंदा पावसाळय़ात तब्बल सव्वा दोन लाख झाडे लावणार आहेत. याच महापालिकेने गेल्या दोन वर्षांत दोन लाख ९८ हजार ४१४ झाडे लावली, त्यासाठी १० कोटींचा निधी खर्च केला. मात्र या झाडांचे पुढे काय झाले हेच पालिकेला ठावूक नाही. ही झाडे जगली की मृत झाली हा प्रश्न अनुत्तरित असताना यंदा नव्याने झाडे लावण्याचा संकल्प पालिकेने केला आहे. त्याशिवाय गेल्या वर्षी लावलेल्या ४९ हजार झाडांपैकी ७७ टक्के झाडांच्या संरक्षक जाळी बेपत्ता असल्याचेही उघडकीस आले आहे.
वसई-विरार महापालिकेले गेल्या काही वर्षांपासून वृक्षारोपणाचा कार्यक्रम हाती घेतला आहे. प्रत्येक प्रभागात पालिकेतर्फे वृक्षारोपणाचा कार्यक्रम मोठय़ा थाटामाटात सादर करून त्याला प्रसिद्धी दिली जाते. मात्र गेल्या वर्षीच्या झाडांचे काय झाले त्याबाबत पालिकेकडे ठोस माहिती नाही. २०१५ ते २०१७ या कालावधीत नऊ  प्रभागात २ लाख ९८ हजार ४१४ झाडे लावली आहेत. या झाडांसाठी पालिकेने १० कोटी ९३ लाख ६८ हजार रुपये खर्च केल्याचे माहिती अधिकारातून उघड झाले आहे. या झाडांचे पुढे काय झाले, ती जगली का हे प्रश्न अनुत्तरीत आहे.
पालिकेने लावलेल्या झाडांना टॅग लावले जातात. मात्र पालिकेने खाजगी स्वयंसेवी संस्थांनी लावेल्या झाडांनाही आपले टॅग लावून ही आपली झाडे असल्याचे भासवले होते. झाडांच्या संवर्धनासाठी पालिका ठेका देते. त्यात झाडांना पाणी घालण्याचा ठेका दिलेला असतो. मात्र या पाण्याचाही गैरवापर होतो आणि या प्रकणात मोठा भ्रष्टाचार झाल्याचा आरोप वसई पर्यावरण संवर्धक समितीचे निमंत्रक समीर वर्तक यांनी केला आहे.
‘संरक्षक जाळी’प्रकरणी अद्याप कारवाई नाही

गेल्या वर्षी लावण्यात आलेल्या ४९ हजार झाडांपैकी ७७ टक्के झाडांच्या संरक्षक जाळय़ा बेपत्ता असल्याचे उघडकीस आले आहे. वृक्ष प्राधिकरण विभागाकडून मिळालेल्या माहितीची प्रत्यक्ष जागेवर जाऊन पडताळणी केली असता पालिकेने सांगितलेली संरक्षक जाळय़ांची संख्या आणि प्रत्यक्षात जागेवर आढळून आलेल्या जाळय़ा यामध्ये मोठी तफावत आहे. ठेकेदार मे. हिरावती एंटरप्रायजेस या ठेकेदारास हा ठेका देण्यात आला होता. त्यांना १० कोटी ९३ लाख ६८ हजार रकमेची देयके अदा करण्यात आली आहेत. मात्र अनेक झाडे ही संरक्षक जाळी नसल्याने मृत झाली होती. अनेक झाडांच्या बाजूला जाळय़ा उन्मळून पडल्या आहेत, तर काही जाळय़ा मोडकळीस आल्या होत्या, असा आरोप शिवसेनेने केला आहे. या प्रकरणी अनेकदा तक्रारी करण्यात आल्या होत्या, पंरतु अद्याप कुठलीच कारवाई झालेली नसल्याचे शिवसेना नगरसेवक धनंजय गावडे यांनी सांगितले.

Friday, June 30, 2017

पश्चिम वसईवर जीवनसंकट

*पश्चिम वसईवर जीवनसंकट*

http://www.loksatta.com/thane-news/drinking-water-issue-in-west-vasai-1502339/

सुहास बिऱ्हाडे, वसई, लोकसत्ता | Updated: June 30, 2017 3:17 AM

पाण्यात क्षारांचे प्रमाण अधिक; पिण्यायोग्य नसल्याचा धक्कादायक निष्कर्ष

वसईच्या पश्चिम पट्टय़ातील रहिवाशांना विहिरीचे पाणी प्यावे लागत असून जवळपास सर्वच विहिरींचे पाणी पिण्यास अयोग्य असल्याचा निष्कर्ष जलतपासणीनंतर काढण्यात आला आहे. गावातील ५० ठिकाणच्या पाण्याच्या नमुन्यांवर आठ तपासण्या करण्यात आल्या, त्यानंतर हा निष्कर्ष काढण्यात आला आहे. या पाण्यात क्षार, क्लोराइडचे प्रमाण अधिक असून ते आरोग्यास हानीकारक असून हे पाणी पिण्यायोग्य असल्याचे तपासणीनंतर पुढे आले आहे.

वसईच्या पश्चिम पट्टय़ातील रहिवाशांचा विहीर हाच एकमेव जलस्रोत आहे. गेल्या काही वर्षांपासून येथील ग्रामस्थांना विविध आजारांची लागण होत आहे. ‘पाणी वाचवा’ या मोहिमेअंतर्गत काम करत असताना ‘स्वाभिमानी वसईकर’ या संस्थेला याबाबतची माहिती मिळाली. पाण्यात वाढलेले क्षार, गढूळपणा आणि बदललेली चव त्यांच्या निदर्शनास आली. त्यामुळे संस्थेचे कार्यकर्ते व रसायनतज्ज्ञ ऑल्विन रॉड्रिक्स यांनी पाण्याची तपासणी करण्याचा निर्णय घेतला. एप्रिल ते जून या कालावधीत मूळगाव, रमेदीपासून बोळिंज, राजोडी, आगाशी, नंदाखाल यांच्यासह वेगवेगळ्या गावांतील विहिरींतून ५०पेक्षा जास्त पिण्याच्या पाण्याचे नमुने तपासले. प्रत्येक पाण्याच्या नमुन्यावर ८ चाचण्या करण्यात आल्या. पाण्यात आवश्यक घटक कोणते आहेत आणि विषारी, अयोग्य घटक कोणते आहे याची धक्कादायक माहिती समोर आली. हे पाणी दूषीत असून पिण्यास अयोग्य असल्याचे तपासणीनंतर समोर आले आहे. या परिसरात रहिवासी आजारी पडण्याचे कारण हेच दूषीत पाणी असल्याचे रॉड्रिक्स यांनी सांगितले.

*इलेक्ट्रॉनिक कचरा विहिरींमध्ये*

पाण्यातील विषारी घटकांचा प्रादुर्भाव वाढत चालल्याचे या चाचण्यांवरून दिसत आहे. बावखले, तळे, वापरात नसलेल्या विहिरी मोठे खड्डे यामध्ये वापरलेले सेल (बॅटरी), मोबाइलमधील खराब झालेली बॅटरी, खराब झालेली इलेक्ट्रॉनिक उपकरणे, रसायने टाकली जात आहेत. ते झिरपून विहिरींचे पाणी प्रदूषित होत असल्याचे रॉड्रिक्स यांनी सांगितले. हा अहवाल पालिका, प्रांत आणि विविध शासकीय यंत्रणांकडे सादर केला जाणार आहे.

*पाण्यात कोणते घटक?*

नंदाखाल, बोळिंज, नानभाट, आगाशी, उमराळे, निर्मळ, गास, भुईगाव या सर्वच गावांतील पाण्यात क्षाराचे प्रमाण मोठय़ा प्रमाणात आढळले आहे. हे प्रमाण ब ७०० पासून १५०० ते २०० मिलिग्रॅम प्रतिलिटर आहे. मूत्रपिंडांसह शरीरातील विविध अवयवांवर, केसांवर क्षारांचे दुष्परिणाम होतात.

या पाण्याचा सामू (पीएच) ८.५ आहे. काही ठिकाणी पाण्याचा सामू ९ ते ९.५ पर्यंत असल्याचे आढळून आले. त्यांचा परिणाम शरीरातील पेशींवर होतो, त्याशिवाय कर्करोगही होऊ शकतो.

पाण्यात जंतू, माती व रसायनेही आढळली असून त्यामुळे साथीच्या आजारांचे प्रमाण वाढले आहे.

पाण्यात क्लोराइडचेही प्रमाण जास्त आढळून आले आहे. सामान्य मानकाप्रमाणे त्याचे प्रमाण २५० मिलिग्रॅम प्रति लिटर असणे आवश्यक आहे. मात्र बोळींज-जापके, नंदाखाल, भुईगाव या ठिकाणी क्लोराइडचे प्रमाण ३०० मिलिग्रॅम प्रति लिटर आढळले आहे. नैसर्गिकरीत्या अतिउपशामुळे खारे पाणी स्वच्छ पाण्याची जागा घेत आहे.

आगाशी, नंदाखाल, बोळिंज या ठिकाणी नायट्रेटचे प्रमाण ४५ पासून १०० मिलिग्रॅमपर्यंत प्रतिलिटर असे आढळले आहे. हा घटक जास्त प्रमाणात असल्यास लहान मुले व गर्भवती महिलांना त्याची बाधा होऊ शकते.

*लोह आणि ‘फ्लुराइड’चे प्रमाण योग्य*

पाण्यातील विषारी घटक वाढत असताना लोह आणि फ्लुराइडचे प्रमाण मात्र योग्य असल्याचे आढळून आले. पाण्यामध्ये लोहाचे प्रमाण ०.३ मिलिग्रॅम प्रति लिटर आवश्यक असते.

चाचण्यांमध्ये लोहाचे प्रमाण योग्य असल्याचे आढळून आले, तर १ मिलिग्रॅम प्रति लिटर फ्लूराइडचे प्रमाण योग्य मानले जाते, तेदेखील योग्य प्रमाणात असल्याचे रॉड्रिक्स यांनी सांगितले.

Monday, June 26, 2017

चिंचणी दांडे पाडा येथे ऑलिव्ह रिडली कासव


24 जून 2017 चिंचणी दांडे पाडा येथे आणखी एक जखमी ऑलिव्ह रिडली कासव आढळले.
WCAWA चे  सदस्य विशाल राऊत,  स्थानिक रहिवासी रोहिदास आरेकर, निलेश दांडेकर आणि इतर मदतनीसांनी सहभाग घेतला.

https://fb.com/palgharlive
http://palgharlive.com

==

या आठवडय़ात ड़हाणू आणि पालघर किनारपट्टीवर असे पाच ऑलिव्ह रिड़ले कासव सापडले
उपचारासाठी ते ड़हाणू येथील WCAWA संस्थेच्या रेस्क्यू सेंटर मधे ठेवले आहेत.
आम्ही फक्त किनार्‍यावरून उचलून सुरक्षित ठिकाणी आणून ठेवतो,
धवल कंसारा, ड़ाॅ दिनेश विन्हेरकर आणि त्यांचे सहकारी त्याच्यावर योग्य उपचार करून पुन्हा समुद्रात सोडतात.
निसर्गाचा समतोल राखणारी ऑलीव्ह रिडले
समुद्री कासवांची जात नामशेष होऊ नये,
यासाठी ड़हाणू येथील WCAWA संस्थेने कासव
संवर्धन मोहिम हाती घेतलीय.
Sea turtles clearly play important roles in marine ecosystems. ... Whether by grazing on seagrass, controlling sponge distribution, feasting on jellyfish, transporting nutrients or supporting other marine life, sea turtles play vital roles in maintaining the health of the oceans."
Dhaval kansara (WCAWA)
==
संपर्क : विशाल राऊत, पालघर 9860535753

Sunday, June 25, 2017

२५ जुन २०१७ : जोरदार पाऊस, सुर्या नदी पाणीपातळीत वाढ.


सूर्यानदी, मासवण, पालघर

सूर्यानदी, मासवण, पालघर

२५ जुन २०१७, सकाळी १०:००
🌊🌊
पालघर तालुक्यातील सुर्या नदीच्या पाण्याच्या पातळीत वेगाने वाढ होते आहे. २४ जुन रोजी अर्नाळा किनाऱ्यावर लाटांचा तडाखा बसला.
🌊🌊
दुपारी १ वाजता भरतीच्या वेळी ५ मीटरपेक्षा उंच लाटा असण्याची शक्यता आहे.
🌊🌊
मुंबईत सखल भागात पाणी तुंबले आहे. काही ठिकाणी दरड कोसळण्याच्या घटना आहेत.
🌊🌊
पश्चिम रेल्वे काही विलंबाने सुरु आहे. मध्य रेल्वेवर  मेगाब्लॉक असल्याने अत्याआवश्यक असल्यासच प्रवास करावा.
🌊🌊
वीजेच्या गडगटासह पाऊस नागरीकांनी योग्य खबरदारी घ्यावी. झाडांच्याखाली थांबु नका. वीज पडण्याची किंवा झाड उन्मळून पडण्याची शक्यता आहे.
🌊🌊

https://facebook.com/palgharlive

http://palgharlive.com

Friday, June 16, 2017

*एमएमआरडीए नापास !!*

१५ जुन २०१७ | दुपारी १ वाजता 

*एमएमआरडीए नापास !!*

पालघर रायगड आणि ठाण्यातील गावकऱ्यांवर एमएमआरडीएने लादलेल्या प्रस्तावित प्रारूप आराखड्यावर सूचना व हरकती मागवल्या गेल्या होत्या.

पर्यावरण संवर्धन समिती वसई विरार , धारावी बेट बचाओ समिती, आदिवासी एकता परीषद , इतर संघटना, असंख्य कार्यकर्ते व हजारो गावकऱ्यांनी एकत्र येऊन ६०  हजारांपेक्षा जास्त हरकती एमएमआरडीएकडे नोंदवल्या आहेत.

गावकऱ्यांची गैरसोय टाळावी व त्यांना आपले म्हणणे हे लोकशाहीच्या मार्गाने कोणत्याही दडपणाशिवाय मांडता यावे ह्याकरिता सुनावणी ही गावांमध्येच व्हावी अशी लेखी मागणी एमएमआरडीए आयुक्तांकडे करण्यात आली होती. ही मागणी दुर्लक्षित करुन आज एमएमआरडीएने वांद्रे येथील कार्यालयात  सुनावणी आयोजित केली. या सुनावणीची वेळ ही गावकऱ्यांसाठी पूर्णपणे अडचणीची आहे. शेतीची कामे सुरु झाली आहेत. मच्छीमार बोटी जाळी दुरुस्ती व बांधणी अशी अतिमहत्त्वाची कामे सुरु आहेत. शाळा कॉलेजच्या प्रवेशासाठी पालकांची धावपळ सुरु आहे. वृद्ध , दिव्यांग , आजारी, विद्यार्थी अशांसाठी गाव ते वांद्रे असा प्रवास जीवघेणाच आहे. तरीसुद्धा जवळपास २००० गावकरी शक्य त्या वाहनाने सुनावणीस उपस्थित झाले.

१५ जुन २०१७ रोजी दुपारी २ वाजता धारावी बेट बचाओ समिती आणि भाईंदरचे धारावी बेटाचे रहिवासी एमएमआरडीएच्या कार्यालयाबाहेर  सुनावणीसाठी हजारोंच्या संख्येने जमले होते. त्यांच्यासोबत पर्यावरण संवर्धन समिती तर्फे समन्वयक समीर वर्तक , मार्गदर्शक शशी सोनावणे सर, मॅकेन्झी डाबरे, विक्रांत चौधरी, एव्हरेस्ट डाबरे, बावतीस फिगेर , रॉजर रॉड्रिग्स, ऑल्विन रॉड्रिग्स, जोएल डाबरे, ॲलन डिसोझा, राजा फोस, गॉडसन , विमलेश नाखवा, अमोल घरत, बिनिश, संदेश पवार, मिल्टन मस्करन , माल्कम परेरा, आदिवासी एकता परीषदेचे वसई तालुका अध्यक्ष दत्ता सांबरे, प्रकाश जाधव आणि समिती हे सर्व उपस्थित होते. मात्र एमएमआरडीएकडे इतक्या गावकऱ्यांची सुनावणी करण्याइतकी तयारी नव्हती. एमएमआरडीएनेच बोलावलेले गावकरी दुपारच्या रखरखत्या उन्हात तापलेल्या रस्त्यावर नाईलाजाने थांबले. त्यात बाहेरुन खाण्यापिण्याचे पदार्थ आतमध्ये नेण्याची परवानगी नव्हती. ४ तास ताटकळत ठेवलेल्या आजारी वृद्ध व महिलांना सावलीत बसायची व्यवस्था उपलब्ध करुन देता आली नाही. शौचालयाचा हक्कही नाकारण्यात आला. एकूणच हुकुमशाही पद्धतीने सुनावणी घेणाऱ्या एमएमआरडीएने लोकशाहीने गावकऱ्यांना दिलेले मूलभूत हक्क नाकारुन दबाव टाकण्याचा प्रयत्न केला.

गावकऱ्यांना एमएमआरडीएमध्ये न घेता २ तास बाहेर उभे ठेवुनही गावकरी परत न गेल्याने नाईलाजाने एमएमआरडीए अधिकाऱ्यांनी गावकऱ्यातील काही सदस्यांना आतमध्ये बोलावुन जाहीर सुनावणी घेण्याचा प्रयत्न केला. प्रत्यक्षात वैयक्तिक सुनावणीचा हक्क असताना एमएमआरडीएने जाहीर सुनावणीचा प्रयत्न करुन गावकऱ्यांचा एकप्रकारे विश्वासघात तर केलाच आहे.

पर्यावरण संवर्धन समिती, धारावी बेट बचाओ समिती व इतर संघटनांच्या प्रतिनिधींनी एमएमआरडीएचि सुनावणी ही गावागावातूनच झाली पाहिजे अशी ठाम मागणी करत  आजच्या अमानुष दडपशाहीविरोधात खेद व्यक्त केला.

अधिक माहीतीसाठी संपर्क

समीर वर्तक   9326471352
पर्यावरण संवर्धन समिती

https://www.youtube.com/watch?v=8R3Gk99h_34
एमएमआरडीए सुनावणीसाठी आलेले गावकरी सहकार्य करताना
---------------------------------
https://www.youtube.com/watch?v=q7gfWl9CVqk
शशी सोनावणे सर - मुलाखत - एमएमआरडीए प्रस्तावित प्रारूप आराखडा
---------------------------------
https://www.youtube.com/watch?v=e9Kwpkarr1M
एमएमआरडीएत सुनावणीसाठी आलेल्या नागरिकांची जाणीवपूर्वक गैरसोय
---------------------------------
https://www.youtube.com/watch?v=mqKk-OM_Ozk
शशी सोनावणे सर - भाषण - एमएमआरडीए प्रस्तावित प्रारूप आराखडा
---------------------------------
https://www.youtube.com/watch?v=HxOua6FeXWg
शशी सोनावणे सर - भाषण २ - एमएमआरडीए प्रस्तावित प्रारूप आराखडा
---------------------------------
https://www.youtube.com/watch?v=A7SGteXEnAo
शशी सोनावणे सर - भाषण ३ - एमएमआरडीए प्रस्तावित प्रारूप आराखडा
---------------------------------
https://www.youtube.com/watch?v=XEoR0RDZnsU
शशी सोनावणे सर - भाषण ४ - एमएमआरडीए प्रस्तावित प्रारूप आराखडा
---------------------------------
https://www.youtube.com/watch?v=-dY7cpf_480
एमएमआरडीए सुनावणीसाठी आलेले गावकरी
---------------------------------
https://www.youtube.com/watch?v=08V-vRtS5sU
एमएमआरडीए सुनावणीसाठी आलेल्या गावकऱ्यांचे आभार
---------------------------------
https://www.youtube.com/channel/UCil2YGhV4YMdkoknUA1fWJA
Paryavaran Sanvardhan Samiti - Vasai Virar
---------------------------------

Tuesday, June 13, 2017

पावसाळ्यातल्या रानभाज्या

दरवर्षी पावसाळ्यात विविध रानभाज्या आपल्या आसपास उगवलेल्या आढळून येतात. या भाज्या चवीला रुचकर असतातच; तसेच त्या पौष्टिक आणि औषधीसुद्धा असतात. अशाच काही रानभाज्यांची माहिती आज आपण पाहू
.
टाकळा :
- ही वनस्पती पावसाळ्यात उगवते व ऑक्टोवर ते डिसेंबर या कालावधीत तिला फुले येतात.
- टाकळा ह्या वनस्पतीला उग्र वास किंवा दुर्गंधी असला तरी टाकळ्याच्या कोवळ्या पानांची भाजी करतात.
- टाकळ्याच्या पानांची भाजी सर्व प्रकारच्या त्वचारोगात देतात तर त्याच्या बिया वाटून लेप त्वचेवर लावतात.
- तसेच भाजी गुणाने उष्ण असल्याने शरीरातील वात व कफदोष कमी होण्यास मदत होते.

आंबुशी :
- पावसाळ्यात रस्त्याच्या कडेला आंबुशी ही नाजूक वनस्पती उगवलेली पाहावयास मिळते.
- ही महाराष्ट्रात सर्वत्र आढळते.
- आंबुशी गुणाने रूक्ष व उष्ण आहे. ही वनस्पती पचनास हलकी असून, भूक वाढीसाठी उपयुक्त आहे
- तसेच कफ, वात आणि मूळव्याध यात आंबुशी गुणकारी आहे

मायाळू :
- मायाळू ही बहुवर्षायू वेल असून, या वनस्पतीची बागेत, अंगणात, परसात तसेच कुंडीत लागवड करतात.
- मायाळूचे वेल कोेकणात सर्वत्र आढळतात.
- मायाळूची कोवळी पाने भाजीसाठी वापरतात.
- रक्ताची किंवा पित्ताची उष्णता अतिशय वाढल्यास मायाळूची भाजी देतात.
- गुणधर्माने ही भाजी थंड स्वरूपाची आहे.
- मायाळूची भाजी पालकाप्रमाणे जिरण्यास हलकी आहे.

करटोली :
- करटोलीची वेल कोकण, मराठवाडा, विदर्भ, पश्‍चिम घाट व पश्‍चिम महाराष्ट्र परिसरात आढळतात.
- करटोलीला जून ते ऑगस्ट महिन्यात फुले व त्यानंतर फळे तयार होतात.
- करटोलीच्या फळांची भाजी कारल्यासारखीच असून, पावसाळ्याच्या अखेरीस ही भाजी बाजारात काही ठिकाणी येते.
- करटोली हे डोकेदुखीवरील उत्तम औषध आहे. तसेच मधुमेहाच्या रुग्णांनी या भाजीचे नियमित सेवन केल्यास रक्तातील साखर कमी होते.

कपाळफोडी :
- ही वेलवर्गीय वनस्पती असून, पावसाळ्यात मोठ्या प्रमाणात आढळते.
- या वनस्पतीची वेल महाराष्ट्रातील जंगले, शेत आणि ग्रामीण भागात आढळते.
- सांधेसुजीवर पंचांग पाण्यात किंवा दुधात वाटतात व लेप करतात. यामुळे ठणका कमी होतो व सूज उतरते.
- कानदुखीत तसेच कानफुटीत कानात घालतात. यामुळे कानदुखी थांबते म्हणूनच या वनस्पतीला कानफुटी असेही नाव आहे.

शेवळा :
- शेवळा ही वर्षायू, कंदवर्गीय वनस्पती आहे.
- महाराष्ट्रामध्ये शेवळा वनस्पती कोकण, पश्‍चिम महाराष्ट्र व अकोला येथील जंगलात आढळते.
- शेवळ्याचा कंद औषधात वापरतात. याच्या कंदाची पाने दूध आणि साखरेबरोबर वाजीकरणासाठी देतात.
- शेवळ्याचे कंद व कोवळी पाने भाजीसाठी वापरतात.

मोरशेंड :
- ही वर्षायू रोपवर्गीय वनस्पती पावसाळ्यात सर्वत्र आढळते.
- शेतात, जंगल परिसरात, रस्त्यांच्या कडेने, ओसाड पडीक जमिनीवर, गावांत, गावाबाहेर सर्वत्र वाढलेली आढळते.
- मोरशेंड वनस्पतीच्या कोवळ्या पानांची भाजी करतात.
- या भाजीच्या सेवनामुळे रक्तातील युरिक ऍसिडचे प्रमाण कमी होऊन सांध्यांची सूज कमी होते.

नळीची भाजी :
- नळीची भाजी ही वनस्पती तळी व तलावांच्या शेजारी, काठांवर, पाणथळ, ओलसर जमिनीवर, दलदलीच्या ठिकाणी वाढलेली आढळते.
- महाराष्ट्रात ही वनस्पती सर्वत्र आढळते. या वनस्पतीचे वेल जमिनीवर पसरत वाढतात.
- नागिणीच्या उपचारात ही वनस्पती वापरली जाते. तसेच कावीळ, श्‍वासनलिका दाह व यकृतविकारात या वनस्पतीचा वापर करतात.

आघाडा :
- आघाडा ही वर्षायू रोपवर्गीय वनस्पती असून, पावसाळ्यात जंगलात, ओसाड, पडीक जमिनीवर, रस्त्यांच्या कडेने, शेतात सर्वत्र आढळते.
- प्रामुख्याने उष्ण कटिबंधीय प्रदेशात भारतात, महाराष्ट्रात सर्वत्र ही वनस्पती आढळते.
- या वनस्पतीची मुळे, पाने, फुले, फळे (पंचांग) औषधात वापरतात.
- अंगातील जास्त चरबी कमी होण्यासाठी आघाड्याच्या बिया उपयुक्त आहेत.
- जेवण्यापूर्वी आघाड्याचा काढा दिल्यास पाचक रस वाढतो, तर जेवणानंतर दिल्यास आम्लता कमी होते.
- रातांधळेपणात आघाड्याच्या मुळाचे चूर्ण देतात.

भुईआवळी :
- भुईआवळी ही वर्षायू रोपवर्गीय वनस्पती असून, 20 ते 50 सें.मी.पर्यंत उंच वाढते.
- भुईआवळी ही वनस्पती "इफोरबिऐसी' कुळातील म्हणजेच एरंडाच्या कुळातील आहे.
- याची पाने, कोवळी खोडे व फांद्या भाजी करण्यासाठी वापरतात.
- फ्ल्यूसारख्या थंडी-तापाच्या आजारात, तसेच वरचेवर सर्दी-खोकला, ताप येणे अशा लक्षणांत ही भाजी नियमितपणे खावी.

Monday, June 12, 2017

पालघर वार्ता १२ जुन २०१७

अनधिकृत शाळेत प्रवेश न घेण्याचे शिक्षणाधिकारी (माध्यमिक) यांचे आवाहन

पालघर दि.12 जुन 2017:
 पालघर जिल्ह्यात सन 2016-17 या शैक्षणिक वर्षामध्ये 64 अनधिकृत शाळा सुरु आहेत. तरी सन 2017-18 या शैक्षणिक वर्षामध्ये या अनधिकृत शाळेत विद्यार्थ्यांनी प्रवेश घेऊ नये. असे आवाहन शिक्षणाधिकारी (माध्यमिक) जिल्हा परिषद पालघर यांनी एका प्रसिध्दी पत्रकाव्दारे केले आहे. अनधिकृत शाळेची नावे पुढील प्रमाणे आहेत.

वसई :- 1.) डॉ. दी.ज.गाळवणकर इंग्लिश हायस्कूल अर्नाळा कोळीवाडा जुना, 2.) रामकृष्ण इंग्लिश स्कूल बोळींज, 3.) प्रार्थना स्कूल कामन, 4.) लिटल एंजल्स हायस्कूल साष्टीकरण पाडा कामन, 5.) बाबा इंग्लिशस्कूल देवदळ कामन, 6.) भावधारा एकेडमी कातकरीपाडा चंदनसार, 7.) अदिन एकेडमी राईपाडा, 8.) सलम इंग्लिश स्कूल कोपरी, 9.) सिद्धी विनायक स्कूल भाटपाडा, 10.) चेलंगे एकेडमी गास कोपरी, 11.) बीबीसी हिंदी स्कूल पाटणकर पार्क नालासोपारा, 12.) राजीव गांधी इंग्रजी माध्यम निलेगाव नालासोपारा,   13.) सेंट जॉन हायस्कूल आशानगर कोल्ही, 14.) स्वामी विवेकानंद आशानगर कोल्ही, 15.) एम.के.जे. इंग्लिश स्कूल गांजाडीपाडा कोल्ही, 16.) सेंट थोमस स्कूल पाटीलपाडा चिंचोटी, 17.) वन नेस्ट स्कूल गवळीपाडा चिंचोटी, 18.) एफ.के.एकेडमी गोरातपाडा चिंचोटी, 19.) गुरुकुल विद्यालय उंबरपाडा राधावली, 20.) सनरोध इंग्लिश स्कूल मानेचापाडा नालासोपारा, 21.) अम्बेसेंटर स्कूल डोंगरपाडा पेल्हार गाव, 22.) ट्विंकल लिटील स्टार डोंगरपाडा पेल्हार गाव, 23.) मॉर्निंग स्टार स्कूल सह्याद्रीनगर वलई पाडा नालासोपारा, 24.) सीताराम बाप्पा इंग्लिश स्कूल जाबरपाडा नालासोपारा, 25.) सेंट लॉरेन स्कूल गणेशनगर बिलालपाडा, 26.) आदर्श कालवती विद्यामंदिर वैष्णव नगर हरवटेपाडा धानीव, 27.) मारुती विद्यामंदिर गावदेवी मंदिर नालासोपारा, 28.) राजीव गांधी मेमोरियल भाटपाडा धानीव बाग, 29.) फर्स्ट स्टेप स्कूल जाधव पाडा धानीव बाग, 30.) महात्मा फुले हायस्कूल जाधव पाडा धानीव बाग, 31.) होरीजन इंग्लिश स्कूल जाधव पाडा धानीव बाग, 32.) राजापती स्कूल गणेश चाळ, हनुमान मंदिर रोड धानीव बाग, 33.) के.नगर इंग्लिश एकेडमी अनुचाळ धानीव बाग, 34.) प्रथमेश पब्लिक हायस्कूल भागवत टेकडी पांढरेपाडा धानीव बाग, 35.) पिरेमेड स्कूल सुयोगनगर, 36.) ट्रेगल एकेडमी हायस्कूल जानकीपाडा वालीव, 37.) न्यू लिटील स्टार जानकीपाडा वालीव, 38.) वाय के पाटील हायस्कूल फुलपाडा विरार, 39.) सिद्धीविनायक शाळा गहूक पाडा विरार, 40.) ट्विंकल हायस्कूल क्वारी, उर्दू शाळेजवळ, 41.) दिशा एकेडमी नालासोपारा, 42.) सूर्योदय बाल विद्यामंदिर (इंग्रजी) नालासोपारा, 43.) सूर्योदय बाल विद्यामंदिर (हिंदी) नालासोपारा.

जव्हार :-  आनंदीबाई  पागी हायस्कूल दादर कोपरा ता.जव्हार.

पालघर : - 1.) दुर्वेश विद्यामंदिर दुर्वेश, 2.) आदर्श विद्यालय महागाव, 3.) सानेगुरुजी विद्यालय घाटीम, 4.) मातोश्री आशादेवी विद्यालय बोईसर, 5.) श्री.टी. आर.पी. इंग्लिश स्कूल बोईसर, 6.) सभापती मेमोरियल हायस्कूल बोईसर, 7.) फलाह ए. दराईल उर्दू हायस्कूल सरावली बोईसर, 8.) मदर वेलंकनी इंटरनेशनल स्कूल कुरगाव, 9.) बोईसर पब्लिक स्कूल चालवड, 10.) लिटील एंजल्स विद्यालय दांडी, 11.) पिओनीर इंग्लिश स्कूल उमरोली.

विक्रमगड :-  1.) शांतीरतन विद्यालय कोंड्गाव, 2.) सरस्वती विद्यालय सावरोली, 3.) श्री.महंत देवीपुराजी महाराज माध्यमिक व उच्च माध्यमिक शाळा कुंजपाडा, 4.) नूतन विद्यालय केगवे.

वाडा :-  1.) छत्रपती शिवाजी इंग्लिश स्कूल खानिवली, 2.) दाढरे आदिवासी पंचकृषी विद्यालय दाढरे, 3.) यशोदा वाय. चौधरी इंग्लिश स्कूल कुडूस, 4.) कै. बाबुराव जी पाटील माध्यमिक स्कूल मानीवली, 5.) कै. बाबुराव जी पाटील माध्यमिक स्कूल उजैनी.

Wednesday, February 1, 2017

पालघर बातम्या दि.१ फेब्रुवारी २०१७


_दि.१ फेब्रुवारी २०१७_

🗞 वसईत विकास नक्की कोणाचा.? बहुजनांचा की परप्रांतीय व बड्या गाडीवाल्यांचा.? आमची वसई सामाजिक समुहाचा प्रशासनास सवाल..!

🗞 महापालिका अॅटीकरप्शनच्या कचाट्यात.! नगरसेवक व अधिका-यांसह दोन आर्किटेक्ट अडकले, दहाजणांवर गुन्हां दाखल.

🗞 पर्यावरण संवर्धन समितीचं मौन उपोषण आंदोलन संपन्न..! एमएमआरडीए आराखड्यास विरोध, मुख्यमंत्र्यांना सादर.

🗞 कोकण शिक्षक मतदार संघ निवडणूक..! बाळाराम पाटील यांना वसईतुन आघाडी देणार--डाँमनिक डिमेलो.

🗞 विरारमध्ये मराठी व्यावसायिकांसाठी महाराष्ट्र व्यापारी पेठ.! ३ ते १३ फेब्रुवारी दरम्यान आयोजन.

🗞 अॅण्टीकरप्शनचा फास कायम.! महापालिकेच्या विरोधात आणखीन आठ गुन्हे दाखल होणार.

🗞 विरार येथे अनधिकृत रिक्षांचा सुळसुळाट..! अधिकृत रिक्षा चालक-मालकांची कारवाईची मागणी.

🗞 वसई तालुक्यात एकुण ३१५० बाप्पांची प्राणप्रतिष्ठापना.! ३५ सार्वजनिक मंडळांचे बाप्पा विराजमान.

🗞 वटार-नवापूर परिसरातील वीज चोरी थांबणार कधी..? राजरोसपणे सुरु असलेल्या वीज चोरीमुळे नागरिक ञस्त.

🗞 प्रभात समिती जी विभागाच्या सुस्तपणापुढे पालिका आयुक्तही हवालदिल..? शुभम् इंडस्ट्रीयलमध्ये बेकायदा गाळे जमीनदोस्त करण्याचे आदेश सहाय्यक आयुक्त गिल्सन घोन्साल्वीस यांच्याकडून पायदळी.

For Aamchi Vasai Updates , whatsapp ur name n location on  9323395598

Thursday, January 19, 2017

पालघर वार्ता १९/०१/२०१७

पालघर वार्ता १९/०१/२०१७ 

*आमची वसईच्या स्थानिक बातम्या...!!!*

🗞 वाहतुकीला लागणार शिस्त.! वसई पाठोपाठ विरार,नालासोपा-यात १५ दिवसांत उभी राहणार सिग्नल यंञणा.

🗞 शिवसेना नगरसेवक धनंजय गावडेंवर संक्रात.! आणखी एका फसवुकिच्या गुन्ह्याने नगरसेवकपद धोक्यात.

🗞 डिपी (Development Plan/project)वसईचा : विकास केंद्र की विकासांचे केंद्र.? एमएमआरडीएच्या विकास आराखड्यात विविध प्रस्ताव.

🗞 महावितरणच्या भोंगल काराभाराविरोधात तालुकाभरात संतापाची लाट..! ग्राहकांना जादा रक्कमेची बिले भरणा करण्याची वीज अधिका-यांची दादागिरी.

🗞 बाणगंगा जंगलात खैराच्या तस्करीचा प्रयत्न फसला..! लाकूड चोरीसाठी आलेल्या चोरांचे वनरक्षकांवरच दगडफेक करुन पलायन.

🗞 सिडकोच्या नविन आराखड्याविरोधात वसईत विरोधाच्या वेगळ्या चुली.! वसईचे हरित वैभव टिकविण्यासाठी एकञ येण्याचे आवाहन.

🗞अर्नाळा ग्रामपंचायत हद्दीत २१ घरकुल व ३९ शौचालय गायब!
समुद्रकिनारी शौचास बसणाऱ्या गावात शौचालय घोटाळा!

🗞ट्रम्पच्या शपथविधीला नालासोपाऱ्यातील सुरेश मुकुंद या २९ वर्षीय तरुणाची कोरिओग्राफी

🗞वसई किल्ल्यत जगभरातून पर्यटक येतात त्यात लहान मुले, महिला ,इतिहास अभ्यासक व वृद्धांचा सहभाग असतो. सर्वाना अनेक समस्यांना सामोरे जावे लागते म्हणून *"आमची वसई"*ने पुरातत्त्व खात्यास वसई किल्ल्यात सूचना व माहिती फलक, स्वच्छतागृह, पेयजल, सुरक्षारक्षक, वस्तुसंग्रहालय उपलब्ध करून देण्याच्या सुचना केल्या आहेत.

For Aamchi Vasai Updates , whatsapp ur name n location on  9323395598

Wednesday, January 18, 2017

पालघर वार्ता १८ जानेवारी २०१७


*आमची वसईच्या स्थानिक बातम्या...!!!*
18/01/2017
🗞 वसई महापालिकेच्या नगररचना कार्यालयाच्या शौचालयाची दुरावस्था.! स्लॅब कोसळून जिवितहानी होण्याची शक्यता.कर्मचाऱ्यांनी तक्रार करूनही पालिका सुस्त.

🗞वाघोलीतील आदर्श सोसायटीचे अनधिकृत बांधकाम.? सभापतींच्या हस्ते भुमिपुजन,अनेक झाडांची कत्तल.

🗞 नगरसेवक धनंजय गावडे यांना न्यायालयाचा दिलासा..! ३० जानेवारी पर्यत अंतरिम जामीन मंजूर.

🗞 रस्ता सुरक्षा सप्ताहानिमित्त उपप्रादेशिक परिवहन कार्यालयातर्फे जनजागृती मोहिम.

🗞 ...अखेर तालुक्याला लाभली तीन पोलिस उपविभागीय पोलिस अधिक्षक कार्यालये.

🗞 पश्चिम रेल्वेवर आता ८ नविन स्थानके..! विरार - डहाणू चौपदरीकरणात होणार समावेश.

🗞 वसईचा अनमोल ऎतिहासिक ठेवा पुरातत्व विभागाच्या अनास्थेमुळे पावतोय लोप..! महापालिका ऎतिहासिक वास्तूंचे संग्रहालय बनविण्याची " आमची वसई" ची सुचना मनावर घेणार कधी..? अशी मागणी इतिहासप्रेमींमधून केली गेली आहे.

For Aamchi Vasai Updates , whatsapp ur name n location on  9323395598

Tuesday, January 17, 2017

पालघर वार्ता १७ जानेवारी २०१७


*आमची वसईच्या स्थानिक बातम्या...!!!*

🗞  निर्मळ येथे रस्ता अरुंदीकरण.! रस्त्यालगतच्या बांधकामावर महापालिका मेहरबान.

🗞 नगरसेवक धनंजय गावडे यांच्या अटकपूर्व जामिन अर्जावर  आज निर्णय..! अतंरिम जामिन मिळण्याचा वकिलांना विश्वास.

🗞 आता कॅशलेस तंञज्ञान आत्मसात करण्याशिवाय पर्याय नाही -- प्रांताधिकारी दीपक क्षीरसागर.

🗞 वसईत तीव्र आंदोलन उभे राहतयं..! २९ गावे,कायदा-सुव्यवस्था,एसटी,महसूल यंञणा रडारवर.


🗞  उत्तर भारतीय मंडळ आयोजित भोजपुरी रंगारंग  कार्यक्रमात भलतेसलते रंग..! अर्नाळा सागरी किनाऱ्यालगच्या प्राचीन मंदिरासमोर राञभर अश्लिल नाचगाण्यांचा धिंगाणा; गस्त घालणारे पोलिसही हात हलवत परतले.

🗞 विरार पुढील रेल्वे स्थानकांत लागणार सीसीटीव्ही कॅमेरे.

🗞 सायली कान्हात व भार्गवी सावे वसईच्या सुवर्णकन्या.! एक किक बाँक्सर तर दुसरी कराटेपट्टू.

For Aamchi Vasai Updates , whatsapp ur name n location on  9323395598